യൂറോപ്പിൽ പഠിക്കാൻ യൂറോപ്യൻ യൂണിയൻ സ്കോളർഷിപ്പ്

50 ലക്ഷം രൂപയുടെ ഇറാസ്മസ് മുണ്ടസ് സ്കോളർഷിപ്പ് തിരഞ്ഞെടുക്കാൻ 150+ കോഴ്സുകൾ

- വിനീത ഭാസ്കരൻ

വിദേശരാജ്യങ്ങളിൽ ഉന്നതവിദ്യാഭ്യാസം നേടാൻ ആഗ്രഹിക്കുന്നവർ നേരിടുന്ന പ്രധാന വെല്ലുവിളികളിലൊന്നാണ് പഠനച്ചെലവ്. കോഴ്സ് ഫീസ് മുതൽ താമസച്ചലവും യാത്രാചെലവുമെല്ലാം കൂടി വലിയൊരു തുക കണ്ടെത്തേണ്ടതായി വരും.

വിദ്യാഭ്യാസവായ്പയാണ് സാധാരണക്കാർ ഈ തുക കണ്ടെത്താനായി ആശ്രയിക്കുന്നത്. എന്നാൽ, മികച്ച അക്കാദമിക നിലവാരമുള്ളവർക്ക് ഉന്നത പഠനത്തിന് സാമ്പത്തിക സഹായം നൽകുന്ന നിരവധി സ്കോളർഷിപ്പുകൾ വിദേശരാജ്യങ്ങൾ സർവകലാശാലകൾ യൂണിയനുകൾ  നൽകുന്നുണ്ട്. ഇത്തരത്തിൽ ബിരുദാനന്തരബിരുദപഠത്തിന് യൂറോപ്യൻ യൂണിയൻ നൽകുന്നതാണ് ഇറാസ്മസ് മുണ്ടസ് കോളർഷിപ്പ്.

ലോകത്തെത്തന്നെ മിടുക്കരായ വിദ്യാർഥികൾക്കൊപ്പം പഠിച്ച് അത്യാധുനിക പരിശീലനം നേടിയെടുക്കാം എന്നതിനോടൊപ്പം പഠിക്കുന്ന കോഴ്സനുസരിച്ച് വിവിധ യൂറോപ്യൻ രാജ്യങ്ങളിലെ ഗവേഷണ ജോലിസാധ്യതയ്ക്കും ഇറാസ്മസ് മുണ്ടസ് സ്കോളർഷിപ്പ് അവസരമൊരുക്കുന്നു.

യൂറോപ്പിൽ വിവിധ രാജ്യങ്ങളിലെ സർവകലാശാലകൾ സംയുക്തമായി നടത്തുന്ന പോസ്റ്റ് ഗ്രാജ്യേഷൻ കോഴ്സുകൾ പഠിക്കാനാണ് സ്കോളർഷിപ്പ് നൽകുന്നത്.

ട്യൂഷൻ ഫീ, ഇൻഷുറൻസ്, താമസ യാത്രാ ചെലവുകൾ തുടങ്ങിയവയെല്ലാമായി ഏകദേശം 50 ലക്ഷം രൂപ സ്കോളർഷിപ്പായി ലഭിക്കും. കൂടാതെ വിവിധ രാജ്യങ്ങളിലെ സർവകലാശാലകളിൽ പഠനം നടത്താനുള്ള അവസരം, കോഴ്സുകളിലെ വൈവിധ്യം എന്നിവയും ഈ സ്കോളർഷിപ്പിന്റെ പ്രത്യേകതകളാണ്. ലോകത്തെമ്പാടുമുള്ള വിദ്യാർഥികൾക്ക് അപേക്ഷിക്കാം.

എല്ലാ വർഷവും ഇന്ത്യയിൽ നിന്ന് ഇറാസ്മസ് മുണ്ടസ് സ്കോളർഷിപ്പ് നേടുന്നവരുടെ എണ്ണം വർധിക്കുകയാണ്. ഈ വർഷം (2023) കേരളത്തിൽ നിന്നൊരാൾക്കും നേട്ടം സ്വന്തമാക്കാൻ സാധിച്ചു. ചാലക്കുടി സ്വദേശി ഗൗരിപ്രിയ എസ്. മേനോൻ,