தி.மு.க. கூட்டணி! சீனியர் அமைச்சர் கிளப்பிய சர்ச்சை!

"ஹலோ தலைவரே, முதல்வர் ஸ்டாலின் அமெரிக்காவில் இருக்கும் நேரத்தில் தமிழகத்தில் பரபரப்பான சம்பவங்கள் நடந்தபடியே இருக்கிறது."

"ஆமாம்பா, கர்நாடக துணை முதல்வர் டி.கே. சிவகுமார் கூட இந்த நேரத்தில் தமிழகம் வந்து சென்றிருக்கிறாரே?"

"அரசுமுறைப் பயணமாக சென்னைக்கு வந்த கர்நாடக துணை முதல்வர் டி.கே. சிவக்குமார், சென்னை மாநகராட்சி செயல்படுத்தி வரும் திடக் கழிவு மேலாண்மைத் திட்டங்களின் செயல்பாடுகளை பார்வையிட்டார். இது தவிர, குப்பைகளை மறுசுழற்சி செய்வது, பயோகேஸை பல்வேறு துறைகளில் பயன்படுத்துவது குறித்தும் சென்னை மாநகராட்சி அதிகாரிகளிடம் அவர் கேட்டறிந்துள்ளார். இந்தப் பயணத்தில் அமைச்சர் உதய நிதியை சந்தித்தும் விவாதித்தார். இது மரியாதை நிமித்தமான சந்திப்பு என்று சொல்லப்பட்டாலும் வேறு சில விசயங்கள் இருக்கிறது என்று கிசுகிசுக்கிறது கோட்டை வட்டாரம்."

"அது என்னப்பா வேறு சில விசயங்கள்?"

"இதுகுறித்து கோட்டைத் தரப்பில் விசாரித்தபோது, தமிழகத்திலும் சிவக்குமாருக்கு நிறைய மின் உற்பத்தி தொடர்பான பல தொழில்கள் இருக்கிறது. சென்னையில் உள்ள மார்வாடிகள் சிலர் அவரது தொழில் பங்கேற்பாளர்கள். பவர் ப்ராஜெக்ட் (மின் உற்பத்தி திட்டம்) சில பிரச்சனைகள் இருக்கிறது. அதனை அவரது தொழில் பங்கேற்பாளர்கள் தெரிவித்திருக்கிறார்கள். அது குறித்து முதல்வர் ஸ்டாலின்ிடம் விவாதிக்கவிருந்தார் சிவக்குமார். ஆனால், முதல்வர் அமெரிக்காவில் இருப்பதால், உதய நிதியை சந்திக்குமாறு அவருக்கு அமெரிக்காவில் இருந்து தெரிவிக்கப்பட்டிருக்கிறது. அதனையடுத்து, உதய நிதியிடம் அப்பாயின்ட்மெண்ட் ஃபிக்ஸ் செய்யப்பட்டது. உதயநிதியை சந்திக்கத்தான் சிவக்குமார் சென்னை வந்திருக்கிறார். அவரை மட்டும் சந்தித்துவிட்டுச் சென்றால், சந்திப்பின் என்ன என்பது குறித்து பல விமர்சனங்கள் எழக்கூடும். அதனால், திடக் கழிவு மேலாண்மை திட்டத்தை பார்வையிடுவது போல அரசு முறை பயணமாக வந்து செல்வது என அவர் தீர்மானித்தாராம். அதன்படியே நடந்திருக்கிறது.

தொழில்ரீதியாக உள்ள பிரச்சினைகளை உதயநிதியிடம் சிவக்குமார் தெரிவித்திருக்கிறார். பாசிட்டிவான பதில் உதயநிதி தரப்பிலிருந்து கொடுக்கப்பட்டுள்ளது என்கிறார்கள்."

"முதல்வர் அமெரிக்கா சென்றுள்ள நிலையில், சீனியர் அமைச்சர்களிடம் தொய்வு தெரிந்தபோதும், இளம் அமைச்சர்கள் சிலர் விறுவிறுப்பாக இயங்கிவருகிறார்களே?"