கிடப்பில் போடப்பட்ட மேம்பால பணிகள்

காஞ்சிபுரம் வேகவதி ஆற்றில் கிடப்பில் போடப்பட்டுள்ள மேம்பாலம் கட்டும் பணியை மீண்டும் தொடங்கி, பணியினை விரைந்து முடிக்க வேண்டும் என்று பொதுமக்கள் கோரிக்கை வைத்துள்ளனர்.

கோயில் நகரம், பட்டுநகரம் என பெயர் பெற்று விளங்கும் காஞ்சிபுரத்திற்கு நாள்தோறும் வெளி மாவட்டங்கள், வெளி மாநிலங்களில் இருந்தும் பல்லாயிரக்கணக்கானோர் கோயில்களை சுற்றி பார்ப்பதற்காகவும், பட்டு சேலைகள் வாங்குவதற்காகவும் வாகனங்களில் வந்து செல்கின்றனர். இதன் காரணமாக நாளுக்கு நாள் சாலைகளில் போக்குவரத்து நெரிசல் அதிகமாகி, பொதுமக்களும், சுற்றுலா பயணிகளும், வாகன ஓட்டிகளும் கடும் அவதிக்குள்ளாகி வருகின்றனர்.