பிரதமர் மோடி இன்று தமிழகம் வருகை

சென்னை-கோவை 'வந்தே பாரத்' ரயில், புதிய திட்டங்களைத் தொடங்கி வைக்கிறார்

பிரதமர் நரேந்திர மோடி சனிக்கிழமை (ஏப். 8) தமிழகம் வருகை தருகிறார்.

சென்னை-கோவை வந்தே பாரத் ரயில் இயக்கம் உள்பட பல்வேறு புதிய திட்டங்களை சென்னையில் அவர் தொடங்கி வைக்கிறார்.

ஆந்திர மாநிலத்தில் அரசு நிகழ்ச்சிகளில் சனிக்கிழமை பங்கேற்கும் பிரதமர் நரேந்திர மோடி, பிற்பகலில் சென்னை வருகிறார். விமான நிலையத்துக்கு 2.45 மணிக்கு வரும் பிரதமர் மோடி, சென்னை சர்வதேச விமான நிலையத்தில் ரூ.1,260 கோடியில் அமைக்கப்பட்டுள்ள புதிய ஒருங்கிணைந்த விமான முனையக் கட்டடத்தின் முதல் பகுதியைத் திறந்து வைக்கிறார். இந்த நிகழ்ச்சி, பிற்பகல் 3 மணி முதல் 3.15 மணி வரை நடைபெறவுள்ளது.

புதிய முனையக் கட்டடத்தைத் திறப்பதன் மூலமாக, விமான நிலையத்தின் பயணிகள் சேவைத்திறன் ஆண்டுக்கு 2.3 கோடியிலிருந்து 3 கோடியாக உயரும் என மதிப்பிடப்பட்டுள்ளது. இந்தப் புதிய முனையத்தின் உட்புறத் தோற்றமானது, தமிழ்நாட்டின் பாரம்பரிய பெருமைகளைப் பறைசாற்றும் வகையில் வடிவமைக்கப்பட்டுள்ளது.

வந்தே பாரத் ரயில்: சென்ட்ரல் ரயில் நிலையத்தில் மாலை 4 மணியளவில், சென்னை-கோவை இடையிலான 'வந்தே பாரத்' அதிவிரைவு ரயிலை பிரதமர் மோடி கொடிய சைத்துத் தொடங்கி வைக்கிறார். ரூ.294 கோடி மதிப்பில் திருத்து றைப்பூண்டி - அகஸ்தியம்பள்ளி இடையே அகல ரயில் பாதைத் திட்டம் அமைக்கப்பட்டுள்ளது. மட்டுமல்லாது, இந்தத் தடத்தில் தாம்பரம் - செங்கோட்டை இடையிலான ரயில் சேவையையும் பிரதமர் தொடங்கி வைக்கிறார்.

விவேகானந்தர் இல்லம்: சென்ட்ரல் ரயில் நிலையத்தில் நிகழ்ச்சிகளை முடித்துக் கொண்டு, மீண்டும் ஐஎன்எஸ் அடையாறு கடற்படைத் தளத்துக்குத் திரும்பும் வழியில், கடற்கரைச் சாலையில் உள்ள விவேகானந்தர் இல்லத்துக்கு பிரதமர் செல்கிறார். அங்கு சுவாமி விவேகானந்தரின் வாழ்க்கை வரலாற்றைச் சித்தரிக்கும் மெய்நிகர் காட்சி உள்ளிட்ட அம்சங்களைப் பார்வையிட உள்ளார்.