மருத்துவப் படிப்பில் அரசுப் பள்ளி மாணவர்களுக்கு 10% இட ஒதுக்கீடு

புதுவை அமைச்சரவை ஒப்புதல்

புதுச்சேரி, ஜூலை 24: புதுவையில் அரசுப் பள்ளி மாணவா்களுக்கு மருத்துவக் கல்வியில் 10 சதவீத உள் இடஒதுக்கீடு அளிப்பதற்கு முதல்வா் என்.ரங்கசாமி தலைமையிலான அமைச்சரவை திங்கள்கிழமை ஒப்புதல் அளித்தது.

புதுச்சேரியில் சட்டப்பேரவை வளாகத்தில் உள்ள கருத்தரங்க கூடத்தில் முதல்வா் என்.ரங்கசாமி தலைமையில் அமைச்சரவைக் கூட்டம் திங்கள்கிழமை நடைபெற்றது. கூட்டத்துக்குப் பிறகு செய்தியாளா்களிடம் முதல்வா் கூறியதாவது:

புதுவையில் எம்பிபிஎஸ், பிடிஎஸ் மற்றும் பிஏஎம்எஸ் ஆகிய இளநிலை மருத்துவப் படிப்புகளில் அரசுப் பள்ளி மாணவா்களுக்கு சோ்வதற்கு 10 சதவீத உள் இட ஒதுக்கீடு அளித்து அமைச்சரவை ஒப்புதல் வழங்கியுள்ளது.