ஒரே நாடு ஒரே தேர்தல் அரசமைப்புச் சட்டத்துக்கு எதிரானது: முதல்வர்

தொகுதி மறுசீரமைப்பு - தலைக்கு மேல் தொங்கும் கத்தி!

நினைத்துப் பாா்த்தாலே அச்சமாக இருக்கிறது! கடந்த 1971-ஆம் ஆண்டு தமிழ்நாடும் பிகாரும் ஒரே அளவிலான மக்கள்தொகையைக் கொண்டிருந்தன. தற்போது தமிழ்நாட்டுடன் ஒப்பிடும்போது, பிகாரின் மக்கள்தொகை ஒன்றரை மடங்கு அதிகரித்துள்ளது. இதனால், மத்திய அரசு உத்தேசித்துள்ள தொகுதி மறுசீரமைப்பு நடவடிக்கையால் மாநிலத்திலுள்ள மக்களவை, மாநிலங்களவை, சட்டப் பேரவை இடங்களின் எண்ணிக்கை பல வட மாநிலங்களின் எண்ணிக்கையைவிட விகிதாசாரத்தில் குறைந்துவிடும். இதை நினைத்துப் பாா்த்தாலே அச்சமாக இருக்கிறது.

ஒரே நாடு ஒரே தோ்தல் திட்டம் அரசமைப்புச் சட்டத்துக்கு எதிரானது என்றும், தொகுதி மறுசீரமைப்பு தலைக்கு மேல் தொங்கும் கத்தி எனவும் முதல்வா் மு.க. ஸ்டாலின் கூறினாா். மத்திய அரசின் இந்த இரண்டு திட்டங்களையும் எதிா்ப்பதற்கான தனித் தீா்மானங்களை சட்டப் பேரவையில் முதல்வா் மு.க.ஸ்டாலின், புதன்கிழமை முன்மொழிந்து பேசியது:- ஒரே நாடு ஒரே தோ்தல் என்ற முறை முற்றிலுமாக நடைமுறை சாத்தியமற்ாகும். அரசமைப்புச் சட்டத்தின் அடிப்படை அம்சத்துக்கு எதிரானது. அரசமைப்புச் சட்டத்தில் கூறப்பட்டுள்ள சுதந்திரமான, நோ்மையான தோ்தலுக்கு முற்றிலும் எதிரானது. எப்படி சாத்தியமாகும்?: ஒரே நேரத்தில் தோ்தல் என்பது, மக்களால் தோ்ந்தெடுக்கப்பட்டுள்ள சட்டப் பேரவைகளை முன்கூட்டியே கலைக்க வேண்டிய சூழல் ஏற்படும் என்பதாலும், அப்படிக் கலைப்பது அரசியல் சட்ட விரோதம் என்பதாலும் இந்த நடைமுறையை எதிா்க்க வேண்டும்.

அனைத்து மாநிலங்களிலும் ஆட்சி அமைந்து மத்தியில் அமையும் ஆட்சி கவிழுமானால், அனைத்து மாநிலங்களையும் கலைத்துவிட்டு தோ்தல் நடத்துவாா்களா? சில மாநிலங்களில் ஆட்சி கவிழ்ந்து, தோ்தல் நடத்தும் சூழல் ஏற்பட்டால் மத்தியில் ஆட்சியில் இருப்பவா்கள் தாமாக முன்வந்து பதவி விலகுவாா்களா? இதைவிட நகைச்சுவையான கொள்கை இருக்க முடியுமா? மக்களவை, சட்டப் பேரவை மட்டுமல்ல, உள்ளாட்சி அமைப்புகளுக்கும் ஒரே நேரத்தில் தோ்தல் நடத்துவது சாத்தியமா? மக்களவைத் தோ்தலையேகூட, ஒரே நாளில் இந்தியா முழுவதும் நடத்துவதற்கு இயலாத சூழல்தான் இப்போது இருக்கிறது. இந்த நிலையில் மக்களவைத் தொகுதிகளுக்கும், மாநில சட்டப் பேரவைத் தொகுதிகளுக்கும் தோ்தல் நடத்துவது மாயாஜாலமா? நகராட்சிகளும், ஊராட்சிகளும் மாநில அரசின் நிா்வாக அமைப்புகள் என்று அரசமைப்புச் சட்டத்தால் அங்கீகரிக்கப்பட்டவை.