அமெரிக்காவுக்கு கடத்தப்பட்ட கிருஷ்ணர் சிலை மீட்பு

தமிழகத்தைச் சேர்ந்த பிற்கால சோழர் காலத்தில் செய்யப்பட்ட கலிய மர்த்தன கிருஷ்ணர் சிலை அமெரிக்காவில் இருந்து மீட்கப்பட்டு, சென்னைக்கு கொண்டு வரப்பட்டது.

தமிழகத்தில் உள்ள கோயில்களில் திருடப்பட்டு, வெளிநாடுகளுக்கு கடத்தப்பட்ட சிலைகளை மீட்பதற்கு தமிழக காவல் துறையின் சிலை கடத்தல் தடுப்புப் பிரிவு பல்வேறு நடவடிக்கைகளை எடுத்து வருகிறது. இந்த நிலையில், ஏஆர்சிஏ என்ற இணைய தளத்தில் தமிழகத்தில் திருடப்பட்ட ஒரு சிலை குறித்து கட்டுரை வெளியிடப்பட்டது தெரியவந்தது. அதில் இந்தியா, கம்போடியா மற்றும் தென் கிழக்கு ஆசிய நாடுகளில் உள்ள தொன்மையான, பழைமையான கலைப் பொருள்களைச் சேகரிக்கும் தாய்லாந்து நாட்டைச் சேர்ந்த டக்ளஸ் லாட்ச்ஃபோர்டு என்பவர் கலிய கல்கி என்ற கலிய மர்த்தன கிருஷ்ணர் (குழந்தை கிருஷ்ணர் சிலை) உலோக சிலையை வாங்கியிருப்பதும், அந்தச் சிலை தற்போது அமெரிக்காவில் எச்.எஸ்.ஐ என்ற புலனாய்வு அமைப்பிடம் இருப்பதாகவும் குறிப்பிடப்பட்டிருந்தது. ஆனால் இந்த வழக்கில், டக்ளஸ் லாட்ச்ஃபோர்டு இறந்துவிட்வதால், துப்பத்துக்குறியலில் பின்னடைவு ஏற்பட்டது.