ஆள்மாறாட்டம் செய்து ரூ.1 கோடி நிலம் அபகரிப்பு: மேலும் ஒருவர் கைது

அம்பத்தூரில் போலி ஆவணங்கள் தயாரித்து ஆள்மாறாட்டம் செய்து ரூ.1 கோடி நிலத்தை அபகரித்த வழக்கில், மேலும் ஒருவரை போலீஸார் சனிக்கிழமை கைது செய்தனர்.

சென்னை கோடம்பாக்கம், ரங்கராஜபுரம் பிரதான சாலையைச் சேர்ந்தவர் ஷீலா (60). கடந்த 1999-ஆம் ஆண்டு ஷீலா, தனது தம்பி பிலிப் ஜோசப் என்பவருடன் சேர்ந்து அம்பத்தூர் அருகே பட்டரைவாக்கம், ஞானமூர்த்தி நகர் பகுதியில் தலா 2,790 சதுர அடி நிலத்தை கிரையம் பெற்று அனுபவத்தில் வைத்திருந்தனர்.

இந்த நிலையில் கடந்த 2022-ஆம் ஆண்டு பிலிப் ஜோசப் தன்னுடைய நிலத்தை நிலத் தரகர் மூலமாக கோவிந்தராஜ் என்பவருக்கு விற்பனை செய்துள்ளார்.