தேசிய ஊரக வேலை உறுதித் திட்டத்தை சீரழிக்கும் மோடி அரசு

‘மகாத்மா காந்தி தேசிய ஊரக வேலை உறுதித் திட்டத்தை பிரதமர் நரேந்திர மோடி தலைமையிலான மத்திய அரசு சீரழிக்கிறது' என்று காங்கிரஸ் பொதுச் செயலர் ஜெய்ராம் ரமேஷ் குற்றஞ்சாட்டினார்.

மேலும், நாட்டில் உள்ள கோடிக்கணக்கான ஏழை மக்களின் உயிர்நாடியான இத்திட்டத்தின் நிதி ஒதுக்கீட்டை உயர்த்துமாறும் அவர் கோரிக்கை விடுத்தார்.

இதுகுறித்து ஜெய்ராம் ரமேஷ் வெளியிட்ட அறிக்கையில், ‘மகாத்மா காந்தி தேசிய ஊரக வேலை உறுதித் திட்டத்துக்கான (100 நாள் வேலைத் திட்டம்) நிதி ஒதுக்கீடுகள் இடைவிடாமல் குறைக்கப்படுகின்றன. ஊதிய விகிதங்கள் எந்த மாற்றமுமின்றி தேக்கமடைந்துள்ளன. இப்போது தொழில்நுட்பத்தை மட்டும் முழுமையாக நம்பியிருப்பதன் மூலம் தொழிலாளர்களின் வேலை, நியாயமான ஊதியத்துக்கான உரிமை மறுக்கப்படுகிறது.