பட்டியலினச் சான்றிதழ் வழங்க மறுத்த தீர்ப்பை உறுதி செய்தது உச்சநீதிமன்றம்

கிறிஸ்தவராக மதம் மாறிய பின்னர் வேலைக்காக ஹிந்து பிரிவில் பட்டியலின (எஸ்.சி.) ஜாதி சான்றிதழ் கோரிய பெண்ணுக்கு சான்றிதழ் வழங்க மறுத்த சென்னை உயர்நீதிமன்ற தீர்ப்பை உச்சநீதிமன்றம் புதன்கிழமை உறுதி செய்து உத்தரவிட்டுள்ளது.

புதுச்சேரியில் முதுநிலை பிரிவு எழுத்தர் பணிக்கு விண்ணப்பித்த செல்வராணி என்பவர் தனது தந்தை ஹிந்து என்றும், தாய் கிறிஸ்தவர் என்பதால் தான் ஒரு ஹிந்து என்றும் கூறி பட்டியலின ஜாதி சான்றிதழ் பெற விண்ணப்பித்திருந்தார்.

ஆனால், கிராமநிர்வாக அலுவலர் மேற்கொண்ட விசாரணையில் அவரது தந்தை உள்பட அனைவரும் கிறிஸ்தவ மதத்துக்கு மாறியது தெரிய வந்தது. இதனையடுத்து, செல்வராணிக்கு ஜாதி சான்றிதழ் வழங்க கிராம நிர்வாக அலுவலர் மறுத்தார். இதைத் தொடர்ந்து, செல்வராணி சென்னை உயர்நீதிமன்றத்தில் மனு தாக்கல் செய்திருந்தார்.