മുഖ്യമന്ത്രിയാണ് ശരി

നിലപാട് വ്യക്തമാക്കി പാർട്ടി, പൂർണ്ണ പിന്തുണ

- ബി.വി. അരുൺ കുമാർ

തിരുവനന്തപുരം: പിആർ വിവാദത്തിലും പി.വി. അൻവർ എം.എൽഎ ഉയർത്തി ആരോപണത്തിലും സർക്കാരിന് പൂർണ പിന്തുണ നൽകി സിപിഎം. മുഖ്യമന്ത്രി പറഞ്ഞ തിൽ അപ്പുറമൊന്നും ഇല്ലെന്നായിരുന്നു സിപിഎം സംസ്ഥാന സെക്രട്ടറി എം.വി. ഗോവിന്ദൻ നടത്തിയ വാർത്താസമ്മേ ളനത്തിൽ പറഞ്ഞു. തൃശൂർ പൂരം കലക്കൽ വിവാദത്തിൽ എഡിജിപി എം.ആർ. അജിത് കുമാറിനെതിരെ ധൃതിയിൽ നടപടി വേണ്ടെന്ന് സിപിഎം സംസ്ഥാന സമിതി തീരുമാ നിച്ചു. എഡിജിപിക്കെതിരെ റിപ്പോർട്ട് ലഭിക്കാതെ നടപടി വേണ്ടെന്നും സംസ്ഥാന സമിതിയിൽ തീരുമാനം. അതേസമയം പി. ശശിക്കെതിരായ അൻവറിന്റെ ആരോപണം സംസ്ഥാന സമിതി തള്ളി. മുഖ്യമന്ത്രിയുടെ നിലവിലെ നിലപാടിൽ പൂർണ പിന്തുണയും സംസ്ഥാന സമിതി നൽകി. എഡിജി പി-ആർഎസ്എസ് കൂടിക്കാഴ്ച സംബന്ധിച്ച അന്വേഷണം അവസാന ഘട്ടത്തിലാണെന്ന് എം.വി. ഗോവിന്ദൻ പറഞ്ഞു. മാത്രമല്ല പൂരം കലക്കിയത് ആർഎസ്എസ് അജണ്ടയാണെന്നും അദ്ദേഹം വ്യക്തമാക്കി.