அரசு பள்ளிகளில் சி.பி.எஸ்.இ., பாடத்திட்டம் அமல்படுத்தப்பட்டுள்ளதால் பள்ளிகள் துவங்கும் நேரம் மாற்றியமைப்பு-பள்ளி கல்வித்துறை இயக்குனர் பிரியதர்ஷினி அறிவிப்பு

புதுச்சேரியில் இந்தாண்டு முதல் சி.பி.எஸ்.இ., பாடத் திட்டம் கொண்டு வரப்பட்டு அனைத்து அரசு பள்ளிகளும் சி.பி.எஸ்.இ., பள்ளி களாக மாற்றப்பட்டுள்ளன.

புதுச்சேரியில் தொடக்கப்பள்ளி, உயர்நிலை மற்றும் மேல்நிலைப் பள்ளி என மொத்தம் 416 அரசு பள்ளிகள் உள்ளன.

இப்பள்ளிகளில் 1ம் வகுப்பு முதல் பிளஸ் 2 வரையில் இந்த ஆண்டு சி.பி.எஸ்.இ., பாடத்திட்டம் அமல் படுத்தப்பட உள்ளது. அனைத்து அரசு பள்ளி களும் சி.பி.எஸ்.இ., பள்ளிகளாக மாற்றப்பட்டுள்ளன.

இதன்படி தினசரி பாட வேளை வகுப்புகள் 7ல் இருந்து 8ஆக உயர்த்தியதுடன் பள்ளிகள் துவங்கும் நேரத்தையும் புதுச்சேரி பள்ளி கல்வித்துறை மாற்றம் செய்துள்ளது.