ஐந்தாம் வகுப்பு மாணவர்களுக்கான மாநில கற்றல் அடைவு தேர்வை ஆட்சியர் ஆய்வு

ஐந்தாம் கன்னியாகுமரி, பிப். 6 வகுப்பு மாணவர்களுக்கான மாநில கற்றல் அடைவு தேர்வு (SLAS) நடைபெறுவதை மாவட்ட ஆட்சித்தலைவர் ஆர். அழகுமீனா ஆய்வு செய்தார்.

கன்னியாகுமரி மாவட்டம் மண்டைக்காடு நடுநிலைப்பள்ளியினை மாவட்ட ஆட்சித்தலைவர் ஆர். அழகுமீனா, நேரில் பார்வையிட்டு ஆய்வு மேற்கொண்டு தெரிவித்துக் கூறியதாவது: தொடக்கநிலை கல்வியில் மாணவர்கள் அடைந்துள்ள கற்றல் அடைவினை அறிந்து கொள்வதற்காக மூன்றாம் வகுப்பு, ஐந்தாம் வகுப்பு மற்றும் எட்டாம் வகுப்பு மாணவர்களுக்கு மாநில அரசால் அடைவு தேர்வு நடத்தப்படுகிறது. ஆங்கிலத்தில் SLAS (State level Achievement Survey) எனப்படும் இத்தேர்வினை தமிழ்நாடு அரசு அனைத்து அரசு மற்றும் அரசு உதவி பெறும் பள்ளிகளில் நடத்துகிறது.