ஓட்டல்களில் காலாவதியான உணவு விற்பனை செய்வதை கண்காணிக்க வேண்டும்

சுயேட்சை எம்.எல்.ஏ., நேரு பூஜ்ய நேரத்தில் வலியுறுத்தல்

- 

15வது சட்டப்பேரவையின் 6வது கூட்டத்தொடரில், இன்று சுயேட்சை எம்.எல்.ஏ. நேரு பூஜ்ய நேரத்தில் பேசியதாவது, மக்களின் வாழ்வியல் மாற்றம் காரணமாகவும், பொதுமக்கள் அதிக பணிசுமை காரணமாக சமையல் செய்ய நேரம் இன்மையாலும், அவர்கள் பணிபுரியும் இடம் அவர்களின் வீடுகளிலிருந்து வெகு தூரத்தில் இருப்பதால், அவர்கள் உணவுக்கான ஓட்டல்கள் மற்றும் துரித உணவகங்களுக்கு சென்று உணவு அருந்தி வருகிறார்கள்.

அப்படிப்பட்ட உணவுக்கூடங்கள் மற்றும் துரித கூடங்களில் சமைத்த உணவுகளை அன்றே விற்பனை செய்யாமல், குளிர்சாதன பெட்டியில் வைத்து அதை இரண்டு, மூன்று நாட்களுக்கு மேலாக வாடிக்கையாளர்களிடம் விநியோகம் செய்கிறார்கள்.

நகராட்சி மற்றும் கட்டுப்பாட்டு அதிகாரிகள், பரிசோதனையாளர்கள் உணவுக்கூடங்களின் செயல்பாடுகளில் கண்காணிப்பு செலுத்தாததால், மக்களுக்கு அதிக தீமைகள் ஏற்படுகிறது.

உணவுகளில் சுவைக்காகவும், நிறத்திற்காகவும், சுவைக்கான ரசாயன பொருட்கள் மற்றும் நிறத்திற்கான ரசாயன பொருட்களையும் உணவுக்கூடங்களில் உபயோகப்படுத்துகிறார்கள்.