വയനാട്ടിലും ചേലക്കരയിലും ഇന്ന് വോട്ടെടുപ്പ്

രാവിലെ ഏഴുമുതൽ വൈകീട്ട് ആറ് വരെയാണ് പോളിങ്

തിരുവനന്തപുരം: വയനാട് ലോക്സഭ മണ്ഡലത്തിലും ചേലക്കര നിയമസഭ മണ്ഡലത്തിലും ബുധനാഴ്ച വിധി ദിനം. ഹൈവോൾട്ടേജ് പ്രചാരണത്തിനൊടുവിൽ നിശ്ശബ്ദ പ്രചാരണ ദിനത്തിൽ അവസാന വോട്ടും ഉറപ്പിക്കുന്ന തിരക്കിലായിരുന്നു മുന്നണികൾ. പ്രിയങ്ക ഗാന്ധിയുടെ സാന്നിധ്യം കൊണ്ട് വയനാട് ദേശീയശ്രദ്ധ നേടിയപ്പോൾ ചേലക്കര ഇക്കുറി ഇഞ്ചോടിഞ്ച് പോരാട്ടം കൊണ്ടാണ് ശ്രദ്ധേയമാകുന്നത്. പോളിങ് സാമഗ്രികളുടെ വിതരണവും ബൂത്ത് ഒരുക്കങ്ങളുമെല്ലാം പൂർത്തിയായി. രാവിലെ ഏഴുമുതൽ വൈകീട്ട് ആറ് വരെയാണ് പോളിങ്.