2026-ல் அ.தி.மு.க. ஆட்சி அமைவதை எந்த சக்தியாலும் தடுத்திட முடியாது!

கட்சியின் 53-ஆவது தொடக்க நாளை முன்னிட்டு எடப்பாடி பழனிசாமி அறிக்கை!!

பொன்னான காலம் கண்ணெதிரே தெரிகி வசந்தம் அறது. 2026-ல் அ.தி.மு.க. ஆட்சி அமைவதை எந்த சக்தியாலும் தடுத்திட முடியாது என கட்சியின் 53-ஆவது தொடக்க நாளை முன்னிட்டு எடப்பாடி பழனிசாமி அறிக்கை வெளியிட்டுள்ளார்.

அ.தி.மு.க. பொதுச்செயலாளர் எடப்பாடி பழனிசாமி வெளியிட்டுள்ள அறிக்கையில் கூறியிருப்பதாவது:

காரிருள் சூழ்ந்து காட்டாட்சி நடைபெற்ற நேரத்தில், தமிழ்நாட்டு மக்களை மீட்டெடுக்கத் தோன்றிய நம்பிக்கை நட்சத்திரமாக எம்.ஜி.ஆர். அவலில் தோற்றுவிக்கப்பட்ட அனைத்திந்திய அண்ணா திராவிட முன்னேற்றக் கழகத்தின் 53-ஆவது ஆண்டு விழாவைக் கொண்டாடுகிறோம்.

நம்முடைய கழகம் தோன்றிய காலகட்டத்தில் ஏற்பட்ட அரசியல் சூழலையும், கழகம் தோற்றுவிக்கப் படக் காரணமாக இருந்த வரலாற்று நிகழ்வுகளையும் நினைத்துப் பார்க்கிறேன். இன்றைக்கு நடைபெற்று கொண்டிருக்கின்ற இருண்ட கால ஆட்சிதான் அப்போதும், 1972-லும் நடைபெற்றுக்கொண்டிருந்தது.

மாநிலத்தில் சட்டம்-ஒழுங்கு சீர்குலைந்தது; வறட்சி, பஞ்சம் பல மாவட்டங்களில் ஏற்பட்டு, அதனால் தமிழக மக்கள் மூட்டை, முடிச்சுகளுடன் தங்கள் ஊர்களில் இருந்து கூலி வேலைக்கு இடம்பெயரத் தொடங்கினார்கள்; விலைவாசி ஏற்றம், பொருளாதார பாதிப்பு, உணர்வுப்பூர்வமான தொண்டர்கள் வத்தலக்குண்டு ஆறுமுகம் போன்ற எண்ணற்ற இளைஞர்கள் திமுகவினரின் அராஜகத்திற்கு பலியாயினர். 1976-ஆம் ஆண்டு வரை கருணாநிதியின் ஆட்சிக் காலத்தில் சிறைக் கொடுமை அனுபவித்து, கண்களை, கால்களை இழந்த கழக உடன்பிறப்புகளின் எண்ணிக்கையை பட்டியலிட்டால் நம் நெஞ்சில் ஈட்டி பாய்ந்ததைப் போல இருக்கும்.