நாட்டை விட்டு தப்பி ஓடிய சிரிய அதிபர் ஆசாத் ரஷ்யாவில் தஞ்சம்!

புதினும் அடைக்கலம் கொடுத்தார்!!

டமாஸ்கஸ், டிச. 09: சிரியாவின் ஆட்சி அதிகாரத்தை ஆயுத குழுவினர் கைப்பற்றினர். இதையடுத்து அதிபர் பஷார்-அல்-ஆசாத் ரஷ்யாவுக்கு தப்பிச் சென்றுள்ளார். அவருக்கு அங்கு அடைக்கலமும் வழங்கப்பட்டுள்ளது.

அரபு நாடுகள்யாவும் மிக நீண்ட காலம் துருக்கியின் கட்டுப்பாட்டில் இருந்தது.

முதல் உலகப் போரில் (1914-1918) ஜெர்மனியின் பக்கம் நின்று துருக்கி போரிட்டது.

இந்தப் போரில் ஜெர்மானிய அணி தோற்றது. இங்கிலாந்து, பிரான்சு, அமெரிக்கா, ரஷ்யா ஆகிய நாடுகள் அடங்கிய அணி வென்றது.

துருக்கியின் கீழ் இருந்த அரபு நாடுகளை இங்கிலாந்தும், பிரான்சும் பங்குபோட்டு கொண்டன. அந்த வகையில் பாலஸ்தீனம், ஈராக், ஜோர்டான் ஆகிய நாடுகள் இங்கிலாந்தின் வசம் வந்தன.

அந்தக் கட்டத்தில் தான் பாலஸ்தீனத்தில் யூதர்களுக்காக இஸ்ரேல் என்ற நாட்டை இங்கிலாந்து ஏற்படுத்தியது.

அதே நேரத்தில் லெபனான், சிரியா ஆகிய நாடுகள் பிரான்சின் வசம் வந்தன.

பின்னர் இந்த நாடுகளும் விடுதலை அடைந்தன.

அந்த வகையில் 1936ஆம் ஆண்டு சிரியா விடுதலை அடைந்தது. ஆனாலும் அங்கு நிலையான ஆட்சி ஏற்படவில்லை.

இந்த நிலையில் 1978ல் ஹபீஸ் ஆசாத் என்பவர் நாட்டின் தலைவராக மாறினார்.

அவரின் சர்வாதிகார ஆட்சியை நடத்தி வந்தார். 2000ஆவது ஆண்டில் அவர் இறந்தார்.