கல்லூரி மாணவிகளுக்கு மாதம் ரூ.1,000 உதவி: புதுமைப் பெண் திட்டம் மேலும் விரிவாக்கம்!

தூத்துக்குடியில் 30-ஆம் தேதி ஸ்டாலின் தொடங்கி வைக்கிறார்; அரசு உதவிபெறும் பள்ளிகளில் பயின்றவர்களுக்கும் கிடைக்கும்!! ]

அரசுப் பள்ளிகளில் பயின்று தமிழ்வழியில் கல்லூரிகளில் சேரும் மாணவிகளுக்கு மாதம் ரூ.1000 வழங்கும் திட்டத்தை முதலமைச்சர் மு.க.ஸ்டாலின் ஏற்கனவே தொடங்கி வைத்தார். இனி அரசு உதவி பெறும் பள்ளிகளில் பயின்று உயர் கல்வியில் சேரும் மாணவிகளுக்கும் இந்த உதவித்தொகை வழங்கப்படுகிறது. இந்த விரிவாக்கத்திட்டத்தை தூத்துக்குடியில் டிசம்பர் 30-ல் நடக்கும் விழாவில் முதலமைச்சர் ஸ்டாலின் தொடங்கி வைக்கிறார்.

2021-ஆம் ஆண்டு சட்டசபைத் தேர்தலின் போது தி.மு.க. பல அறிவிப்புகளை வெளியிட்டது.

அதில் ஒன்று கல்லூரிகளில் சேரும் மாணவிகளுக்கு மாதந்தோறும் ரூ.1000 உதவித்தொகை வழங்கும் திட்டமாகும்.