மன்மோகன் சிங் உடலுக்கு ஜனாதிபதி முர்மு, பிரதமர் மோடி, சோனியா, கார்கே, ராகுல் அஞ்சலி!

முன்னாள் பிரதமர் மன்மோகன் சிங் (வயது 92) நேற்றிரவு காலமானார்.

அவரது மறைவு தேசிய அளவில் மிகப் பெரிய வெற்றிடத்தை ஏற்படுத்தியுள்ளது. அவரது மறைவுக்கு ஜனாதிபதி திரவுபதி முர்மு, பிரதமர் நரேந்திர மோடி, காங்கிரஸ் மூத்த தலைவர் சோனியா, கார்கே, ராகுல், பிரியங்கா உள்ளிட்டோர் ஆழ்ந்த இரங்கலை தெரிவித்துள்ளனர். மலர் அஞ்சலி செலுத்தினர். தமிழக முதல்வர் மு.க. ஸ்டாலின், டெல்லிக்கு புறப்பட்டுச் சென்றார். அவரும் மன்மோகன் சிங் உடலுக்கு மலர் அஞ்சலி செலுத்தினார்.

ஜனாதிபதி திரவுபதி முர்மு விடுத்துள்ள இரங்கல் செய்தியில், "நிதி நிர்வாகம் என இரு துறைகளிலும் மன்மோகன் சிங் தலைசிறந்து விளங்கினார். இந்திய பொருளாதார சீர்திருத்தத்துக்காக பல்வேறு முன்னெடுப்புகளை அவர் மேற்கொண்டார். அவரது சேவை என்றென்றும் நினைவு கூரப்படும்" என்று குறிப்பிடப்பட்டுள்ளது.

துணை ஜனாதிபதி ஜெகதீப் தங்கர், "தேச வளர்ச்சி முன்னேற்றத்திற்கு பல்வேறு முன்னெடுப்புகளை மன்மோகன் சிங் மேற்கொண்டார். பொருளாதாரம் தொடர்பான அவரது புரிதல்கள் பிரமிப்பை ஏற்படுத்தின" என்று இரங்கல் செய்தியில் குறிப்பிட்டுள்ளார்.

பிரதமர் நரேந்திர மோடி எக்ஸ் வலைதளத்தில் வெளியிட்டுள்ள இரங்கல் செய்தியில் கூறியுள்ளதாவது:

இந்தியா தனது தலைசிறந்த தலைவர்களில் ஒருவரான மன்மோகன் சிங்கின் இழப்பிற்காக துக்கம் அனுசரிக்கிறது.