વધતી જતી વસ્તી દેશ માટે ચિંતાનો વિષય

વસ્તી નિયંત્રણનો દિવસ ઊજવીને આપણી જવાબદારી પૂરી થતી નથી, લોકોને વધુમાં વધુ શિક્ષિત અને જાગૃત કરીતે જણાવવું પડશે કે આજના સમયમાં તાતા પરિવારની ખરેખર કેટલી જરૂર છે

વિશ્વમાં વસ્તી વધારાની સમસ્યા રોજબરોજ વધી રહી છે. સમગ્ર વિશ્વ તેને લઈ ચિંતિત છે, જેના કારણે કેટલીક વિકટ પરિસ્થિતિઓનો સામનો કરવો પડે છે. પ્રકૃતિ અને દેશનાં સંસાધન સીમિત છે અને જનસંખ્યા વૃદ્ધિથી તેના પર વધુ દબાણ પડે છે. વિશ્વમાં ભારત જનસંખ્યાની દૃષ્ટિએ બીજા નંબર પર આવે છે, જોકે કેટલાક રિપોર્ટથી આશંકા વ્યક્ત કરાઈ છે કે આગામી થોડાં વર્ષમાં ભારત આ બાબતમાં ચીનને પણ પછાડી દે તો નવાઈ નહીં. આ મોટી ચિંતાનો વિષય છે.