રાજ્યના ૪૦ હજારથી વધુ ડોક્ટર્સ આજે હડતાળ પરઃ ૩૦ હજારથી વધુ પ્લાન્ડ સર્જરી અટકી પડશે

શહેરીજનો માટે સારવાર લેવા સરકારી હોસ્પિટલ જ એકમાત્ર છેલ્લો રસ્તોઃ અકસ્માતના ગંભીર કેસમાં પણ પ્રાઈવેટ હોસ્પિટલ સારવાર નહીં કરે

અમદાવાદ, શુક્રવાર

આજે રાજ્યભરની ખાનગી હોસ્પિટલનાં હડતાળ પર ૪૦ હજારથી વધુ ડોક્ટર્સ હોવાના કારણે ૩૦ હજારથી વધુ સર્જરી અટકી જશે, સાથે દર્દીઓની હાલાકી પણ વધી જશે એટલું જ નહીં ખાનગી હોસ્પિટલ્સે ઓપીડી અને ઈમર્જન્સી સેવા પણ બંધ રાખી હોવાથી દર્દીઓએ ખાનગી હોસ્પિટલના બદલે માત્ર સરકારી હોસ્પિટલ પર ભરોસો રાખવો પડ્યો છે. શહેરની ૬૦૦થી વધુ હોસ્પિટલ અને ૩૫૦૦થી વધુ તબીબ પણ હડતાળમાં જોડાયા છે. જોકે તબીબો દવાખાનાંહોસ્પિટલ બંધ રાખશે પણ ફોનથી સા૨વા૨ ક૨શે. જે દર્દીઓ હોસ્પિટલમાં સારવાર હેઠળ છે તેમના પર કોઈ અસર નહીં થાય. આઈએમએના આ નિર્ણયને કારણે ૨૪ કલાક દરમિયાન કોઇ પણ અકસ્માત કે ગંભીર ઘટના બને તો એક પણ ખાનગી હોસ્પિટલ સારવાર નહીં કરે.