નવી સિસ્ટમ સક્રિય: સૌરાષ્ટ્ર-કચ્છ, ઉત્તર ગુજરાતમાં બે દિવસ સુધી ભારેથી અતિભારે વરસાદની આગાહી

અમદાવાદામાં હળવા ઝાપટાં પડવાની શક્યતાઃ ત્રણ જિલ્લામાં ઓરેન્જ એલર્ટ, બનાસકાંઠા, સાબરકાંઠા, દ્વારકા, જામનગર, મોરબી, સુરત અને વલસાડમાં યલો એલર્ટ

અમદાવાદ, સોમવાર

રાજ્યભરમાં સાર્વત્રિક વરસાદ વરસી રહ્યો છે ત્યારે દરિયામાં વરસાદ લાવે તેવી નવી સિસ્ટમ સક્રિય થતા સૌરાષ્ટ્ર-કચ્છ અને ઉત્તર ગુજરાતમાં આગામી બે દિવસ સુધી ભારે વરસાદ થવાની શક્યતા છે. હવામાન વિભાગે આ તમામ વિસ્તારો માટે નવી આગાહી કરતા તંત્ર ફરી સાબદું બન્યું છે. અમદાવાદ અને આસપાસના વિસ્તારોમાં જોકે આ બે દિવસ માત્ર હળવા વરસાદી ઝાપટાં પડશે તેવું હવામાન વિભાગના સૂત્રો જણાવી રહ્યાં છે. હવામાન વિભાગની નવી આગાહી બાદ સરકારી તંત્ર વધુ એક વખત સાબદું બન્યું છે અને એસડીઆરએફ તથા એનડીઆરએફ સહિતની એજન્સીઓને એલર્ટ રહેવા જણાવવામાં આવ્યું છે.