છેલ્લા ૨૦૦ દિવસમાં ખાધ પદાર્થોના રોજના પાંચ નમૂના પણ ન લેવાયા!

૯૬૨ નમૂના પૈકી ફક્ત ૫.૦૯ ટકા જ અપ્રમાણિતઃ લોકોના આરોગ્ય પર જોખમ

અમદાવાદ, શનિવાર

ગઈ કાલથી દેવાધિદેવ પવિત્ર શ્રાવણ માસનો આરંભ થયો છે. હિંદુઓમાં શ્રાવણ માસ એટલે કે વ્રતો અને તહેવારોનો માસ છે. ખરેખર તો શ્રાવણથી લઈને છેક કારતક માસની દેવદિવાળી સુધી સતત એક અથવા બીજા તહેવારોને હિંદુઓ ઉત્સાહભેર ઊજવે છે. આવા ઉત્સવોના મહાદેવના માહોલમાં શહેરમાં વેચાતા ખાદ્ય પદાર્થોની ગુણવત્તા જળવાઈ રહે તે ખૂબ જરૂરી છે, પરંતુ મ્યુનિ. તંત્રના છેલ્લા ૨૦૦ દિવસની ખાદ્ય પદાર્થોના નમૂના લેવાની કામગીરી વખાણવાલાયક નથી, કેમ કે આટલા સમયગાળામાં ખાદ્ય પદાર્થોના રોજના પાંચ નમૂના પણ લેવાયા નથી.

મ્યુનિ. ફૂડ વિભાગ દ્વારા શહેરમાં વિભિન્ન ખાદ્ય પદાર્થો વેચનારા વેપારીઓની દુકાન અને ફેક્ટરીમાંથી જે તે ખાદ્ય પદાર્થના નમૂના લેવાની કામગીરી કરાય છે. જોકે ફૂડ વિભાગની કામગીરીનો ગત તા. ૧ જાન્યુઆરી- ૨૦૨૨થી ૧૯ જુલાઈ-૨૦૨૨ નિરાશાજનક રિપોર્ટ સુધીનો છે. આટલા સમયગાળામાં તંત્રે કરેલી કામગીરીને આ રિપોર્ટમાં દર્શાવાઈ છે, જે મુજબ છેલ્લા ૨૦૦ દિવસમાં તંત્રે વિભિન્ન ખાદ્ય પદાર્થના કુલ ૯૬૨ નમૂના લીધા હતા.