જમ્મુ-કાશ્મીરમાં મેઘતાંડવ બાદ પ્રચંડ પૂરઃ ૧૦ રાજ્યમાં ભારે વરસાદનું એલર્ટ જારી

અમરનાથ યાત્રા ફરી સ્થગિતઃ પુંચના સુરનકોટમાં દુકાનો-ઘરમાં પૂરનાં પાણી ફરી વળ્યાં

નવી દિલ્હી, મંગળવાર

જમ્મુ અને કાશ્મીરના કેટલાક વિસ્તારોમાં મેઘતાંડવે કહેર મચાવી દીધો છે. રાજ્યમાં અતિભારે વરસાદના કારણે પ્રચંડ પૂરની સ્થિતિ સર્જાઈ છે. પ્રતિકૂળ હવામાનના કારણે પહેલગાંવ અને બાલતાલ બંને રૂટ પર અમરનાથ યાત્રા ફરીથી સ્થગિત કરવાની ફરજ પડી છે. જમ્મુ-શ્રીનગર હાઈવે ભૂસ્ખલનના કારણે થોડા કલાકો સુધી બંધ કરવો પડ્યો હતો. એ જ રીતે શ્રીનગરલેહ હાઈવે પર ૧૪ સ્થળોએ ભૂસ્ખલન થતાં વાહનવ્યવહાર ઠપ થઈ ગયો છે.