આગામી ચાર દિવસ ગુજરાતમાં ફરી ભારે મેઘ વર્ષાંની આગાહી: દક્ષિણ ગુજરાત અને સૌરાષ્ટ્રનો વારો કાઢશે

સપ્તાહના વિરામ બાદ અમદાવાદમાં પણ ફરી વરસાદી માહોલ છવાયો

અમદાવાદ, મંગળવાર

એક અઠવાડિયાના વિરામ બાદ ગઇ કાલથી અમદાવાદ સહિત રાજ્યમાં ફરી મેઘરાજાએ એન્ટ્રી લીધી છે. રાજ્યમાં એકવાર ફરી હળવાથી ભારે વરસાદની આગાહી વ્યક્ત કરવામાં આવી છે. તે મુજબ રાજ્યમાં દક્ષિણ ગુજરાત અને સૌરાષ્ટ્રમાં સારો એવો વરસાદ પડી શકે છે. દક્ષિણ ગુજરાતમાં સુરત, નવસારી, તાપી અને ડાંગમાં સારો એવો વરસાદ પડવાની સંભાવના રહેલી છે. એ સિવાય છોટાઉદેપુર અને સૌરાષ્ટ્રમાં અમરેલી, દ્વારકા, જૂનાગઢ, પોરબંદર અને ગીર સોમનાથમાં સારો એવો વરસાદ પડી શકે છે.