ચોમાસાની વિદાયની આશા ઠગારી નીવડી: હળવા વરસાદી ઝાપટાં ભીંજવતાં જ રહેશે

અમદાવાદ સહિત રાજ્યભરમાં આગામી પાંચ દિવસ સુધી વરસાદી માહોલ રહેવાની આગાહી: છત્રી અને રેઈનકોટ હજુ હાથવગાં જ રાખજો

અમદાવાદ, ગુરુવાર

રાજ્યના કેટલાક વિસ્તારોમાં થંડરસ્ટ્રોમની અસરના પગલે ગઈ કાલે ગાજવીજ સાથે વરસાદ ખાબક્યો હતો. જેના કારણે વાતાવરણમાં ઠંડક પ્રસરી ગઈ હતી. ઘણીવાર કેટલાક વિસ્તારોમાં વાદળછાયું વાતાવરણ છવાઈ જાય છે, પરંતુ વરસાદ નથી પડતો. જો કે તેના કારણે ભેજનું પ્રમાણ વધી જાય છે. પરિણામે લોકો ગરમીની ફરિયાદ પણ કરી રહ્યા છે. ફરી એકવાર રાજ્યમાં લોકોના ઘરોમાં પંખા અને એસી શરુ થઈ ગયાં છે. તેમાં અચાનક ગઈ કાલે રાજ્યના કેટલાક વિસ્તારોમાં વરસાદી ઝાપટું વરસ્યા બાદ પણ બફારાનું પ્રમાણ ચાલુ છે. મધ્ય ગુજરાતમાં પણ સવારના તડકા બાદ વાતાવરણમાં અચાનક પલટો આવ્યો હતો. ધોધમાર વરસાદ પણ વરસી ગયો હતો. હવામાનશાસ્ત્રીઓએ આગામી પાંચ દિવસ સુધી થંડરસ્ટ્રોમની અસ૨ના પગલે વરસાદી માહોલ રહેવાની આગાહી કરી છે. હજુ છત્રી અને રેઈનકોટ હાથવગાં રાખવા પડશે.