મોહાલીના મેળામાં ઝૂલો ૫૦ ફૂટથી નીચે પડ્યોઃ ૧૬થી વધુ ઘાયલ

ડ્રોપ ટાવરનો ઝૂલો પ૦ ફૂટની ઊંચાઈએથી અચાનક નીચે પડતા મેળામાં ખળભળાટ મચી ગયો હતો

ચંડીગઢ, સોમવાર

પંજાબના મોહાલીમાં ગઇ કાલે એક મોટી દુર્ઘટના બની હતી. શહેરના ફેઝ આઠના દશેરા ગ્રાઉન્ડના મેળામાં ઝૂલો પડતાં ૧૬ લોકો ઘાયલ થયા હતા. જેમાં મોટાભાગની મહિલાઓ અને બાળકો છે. ઘાયલોને હોસ્પિટલમાં દાખલ કરવામાં આવ્યા છે. મોટા ભાગના ઘાયલોને ગરદન અને પીઠના ભાગે ઈજાઓ થઈ છે. અકસ્માત બાદ સ્વિંગનો સંચાલક અને તેનો સ્ટાફ ત્યાંથી ભાગી ગયો હતો. પોલીસ આ મામલે તપાસ કરી રહી છે.