છત્રી-રેઈનકોટ સાથે ગરબા રમવા પડે તો નવાઈ નહીં: મેઘો ગમે ત્યારે મંડાશે

૫ ઓક્ટોબર સુધી દરિયામાં ભારે પવન ફૂંકાશેઃ ૧૦ ઓક્ટોબર બાદ બંગાળ ઉપસાગરમાં હવાનું હળવું દબાણ સર્જાશે

અમદાવાદ, શનિવાર

નવરાત્રિમાં વર્ષે આ ખેલૈયાઓ માટે વરસાદ સૌથી મોટું વિઘ્ન બને તેવી શક્યતા છે, કારણ કે બંગાળની ખાડીમાં લો પ્રેશરની અસર થતાં ગુજરાતમાં હવામાન વિભાગે ચાર દિવસ વરસાદની સુધી સામાન્ય આગાહી કરી છે. રાજ્યના હવામાન શાસ્ત્રીઓએ પણ વરસાદની આગાહી કરી છે. તે મુજબ આગામી ચાર દિવસ સુધી રાજ્યમાં વરસાદ પડશે. દક્ષિણ ગુજરાતમાં નવરાત્રિના દિવસો દરમિયાન વરસાદ પડી શકે છે. નવરાત્રિ દરમિયાન છત્રી અને રેઈનકોટ સાથે ગરબા રમવા પડે તો પણ નવાઈ નહીં કેમ કે મેઘરાજા ગમે ત્યારે ત્રાટકે તેવી આગાહી કરવામાં આવી છે.