ઉધમપુરમાં આઠ કલાકમાં બે બ્લાસ્ટઃ બે ઘાયલ, આતંકી ષડ્યંત્રની આશંકા

કેન્દ્રીય ગૃહપ્રધાન અમિત શાહના કાશ્મીર પ્રવાસ પહેલાં સિરિયલ બ્લાસ્ટ થતાં તંત્ર ચિંતામાં મુકાયું

ઉધમપુર, ગુરુવાર

જમ્મુ-કાશ્મીરના ઉધમપુરના ડોમેલચોક ખાતે આઠ કલાકના અંતરે બે બોમ્બ બ્લાસ્ટ થતાં ખળભળાટ મચી ગયો છે. પહેલો બ્લાસ્ટ બુધવારે મોડી રાતે એક બસમાં થયો હતો, જેમાં બે લોકો ઘાયલ થયા હતા. બસની આસપાસ ઊભેલાં અન્ય વાહનોને પણ નુકસાન પહોંચ્યું હતું. રાતના ૧૦.૪૫ની આસપાસ જ્યારે બોમ્બ બ્લાસ્ટ થયો ત્યારે સદ્નસીબે પ્રવાસી બસમાં કોઈ મુસાફરો હતા નહીં અને તેથી મોટી દુર્ઘટના ટળી હતી. ત્યારબાદ માત્ર આઠ કલાક પછી આજે સવારના ૫.૪૨ કલાકે ઉધમપુર બસ સ્ટેન્ડમાં ઊભેલી એક બસમાં પણ રહસ્યમય બ્લાસ્ટ થતાં તંત્ર દોડતું થઈ ગયું છે.