વડા પ્રધાન નરેન્દ્ર મોદી આજે અમદાવાદમાં ‘૩૬મી નેશનલ ગેમ્સ'નો પ્રારંભ કરાવશે

પીએમ મોદી આજથી બે દિવસ ગુજરાત પ્રવાસે: અમદાવાદ, સુરત, ભાવનગર અને અંબાજીને ૨૯,૦૦૦ કરોડની વિવિધ યોજનાઓ-વિકાસકાર્યોની ભેટ આપશે

અમદાવાદ, ગુરુવાર

વડા પ્રધાન નરેન્દ્ર મોદી આજથી બે દિવસ ગુજરાતની મુલાકાતે છે. આજે સવારના લગભગ ૧૧ વાગ્યે તેઓ સુરત એરપોર્ટ પહોંચ્યા હતા, જ્યાં તેમનું મુખ્યપ્રધાન ભૂપેન્દ્ર પટેલ, પ્રદેશ અધ્યક્ષ સી.આર. પાટીલ અને ગૃહપ્રધાન હર્ષ સંઘવીએ ભવ્ય સ્વાગત કર્યું હતું. એરપોર્ટથી પીએમ મોદી હલિકોપ્ટર દ્વારા ગોડાદરા પહોંચ્યા હતા અને ગોડાદરાથી લિંબાયત સુધીના રોડ શોમાં જોડાયા હતા. ત્યાર બાદ નીલગિરિ ગ્રાઉન્ડમાં જંગી જાહેર સભા સંબોધિત કરી હતી. પીએમ મોદીએ સુરતમાં કરોડથી વધુના રૂ. ૩૪૮ વિવિધ પ્રોજેક્ટના શિલાન્યાસ અને લોકાર્પણ કર્યાં હતાં. ત્યાર બાદ તેઓ ભાવનગર જવા ૨વાના થયા હતા. ત્યાં તેઓ રૂ. પર૦૦ કરોડથી વધુની બહુવિધ વિકાસલક્ષી પહેલોના શિલાન્યાસ અને ઉદ્ઘાટન કરશે અને સાંજના લગભગ સાત વાગ્યે પીએમ મોદી અમદાવાદના નરેન્દ્ર મોદી સ્ટેડિયમમાં ૩૬મી નેશનલ ગેમ્સનું ઉદ્ઘાટન કરશે અને રાતના નવ વાગ્યે અમદાવાદના જીએમડીસી ગ્રાઉન્ડ ખાતેના નવરાત્રિ મહોત્સવમાં હાજરી આપશે.