ગાંધીનગરમાં ડિફેન્સ એક્સ્પો અને રિવરફ્રન્ટ ખાતે એર શોનો પ્રારંભ

વડા પ્રધાન નરેન્દ્ર મોદીના હસ્તે આવતી કાલે ડિફેન્સ એક્સપોનું ઉદ્ઘાટન

અમદાવાદ, મંગળવાર

ગાંધીનગરમાં આજથી એશિયાના સૌથી મોટા ડિફેન્સ એક્સ્પોનો પ્રારંભ થયો છે. ભારત સરકારનાં સંરક્ષણ મંત્રાલય દ્વારા એશિયાનું સૌથી મોટું ડિફેન્સ એક્ઝિબિશન ડિફેન્સ એક્સ્પો ૨૦૨૨ પાથ ટુ પ્રાઈડની થીમ પર યોજાયું છે. જેનું આવતી કાલે વડા પ્રધાન નરેન્દ્ર મોદીના હસ્તે ઉદઘાટન થશે. ઓક્ટોબર સુધી મહાત્મા મંદિર તેમજ એક્ઝિબિશન સેન્ટર ખાતે યોજાયેલા એક્સ્પોમાં વડા પ્રધાન નરેન્દ્ર મોદી સહિત દેશના વિવિધ મહાનુભાવો હાજરી આપશે. મહાનુભાવોની સુરક્ષાને લઈને મહાત્મા મંદિર તથા એક્ઝિબિશન સેન્ટરના સમગ્ર વિસ્તારને નો ફ્લાય ઝોન જાહેર કરાયો છે. જ્યારે કાર્યક્રમ સ્થળેથી ૨૦ કિલોમીટરનો એરિયા ડ્રોન માટે નો ફલાઈંગ ઝોન જાહેર કરાયો છે.