સીએમ સહિત અનેક દિગ્ગજ નેતાઓનું ભાવિ EVMમાં સીલઃ મતદારોનું અકળ મૌન

વિધાનસભા ચૂંટણીના બીજા તબક્કામાં આઠ પ્રધાન અને ૧૨ પૂર્વ પ્રધાન સહિત અનેક હાઈપ્રોફાઈલ ઉમેદવારોનું ભાવિ નક્કી થશે

અમદાવાદ, સોમવાર

આજે ગુજરાત વિધાનસભા ચૂંટણીનાં બીજા તબક્કાના જંગમાં મુખ્યપ્રધાન ભૂપેન્દ્ર પટેલ સહિત વર્તમાન સરકારના આઠ પ્રધાન અને ૧૨ પૂર્વ પ્રધાનનું ભાવિ દાવ પર છે, જયારે કોંગ્રેસના બે કાર્યકારી પ્રમુખ પણ મેદાનમાં છે. બીજા તબક્કામાં બે પૂર્વ મુખ્યપ્રધાનના પુત્ર પણ ચૂંટણી મેદાને છે, જેમનું રાજકીય ભાવિ આજે મતદારો નક્કી કરશે. આ વખતની ચૂંટણીમાં હજુ સુધી મતદારોનો મિજાજ પારખી શકાયો નથી અને તેમનું આ અકળ મૌન રાજકીય પક્ષો અને તેમના ઉમેદવારોને ડરાવી રહ્યું છે.