શિયાળો એક મહિનો મોડોઃ કાતિલ ઠંડી ફેબ્રુઆરીના અંત સુધી સહન કરવી પડશે

રવિવારથી ફરી ઠંડીનો અહેસાસ થશેઃ લઘુતમ તાપમાન નવ ડિગ્રી સુધી થવાની શક્યતા

અમદાવાદ, શુક્રવાર

અરબી સમુદ્રમાં સર્જાયેલી સિસ્ટમ અને વેસ્ટર્ન ડિસ્ટર્બન્સને કારણે અમદાવાદ સહિત રાજ્યભરમાં સામાન્ય કરતાં ઊંચું તાપમાન અને વાદળછાયું વાતાવરણ જોવા મળી રહ્યું છે. અમદાવાદ સહિત રાજ્યભરનાં લઘુતમ તાપમાનમાં વધારો થતાં શહેરીજનો ફરી ઉનાળા જેવી ગરમીનો અહેસાસ કરી રહ્યા છે. હજુ પણ આવતી કાલ સુધી વાદળો છવાયેલાં રહેશે અને ત્યાર બાદ ઠંડીનો દોર શરૂ થશે. આ વર્ષે એકંદરે ઠંડી ૩૦ દિવસ મોડી શરૂ થઈ હોવાનું અનુમાન છે. શિયાળાનું આગમન મોડું થયું હોવાથી આ વખતે છેક ફેબ્રુઆરી મહિનાના અંત સુધી થીજાવતી કાતિલ ગાત્રો ઠંડી સહન કરવાની તૈયારી રાખવી પડશે તેવું હવામાન વિભાગે જણાવ્યું છે.