અમદાવાદમાં ઠંડીની તીવ્રતામાં ફરી સહેજ વધારો નોંધાયોઃ ૧૩.૮ ડિગ્રી

૧૪ ફેબ્રુઆરીએ ઠંડીનો પારો વધુ ઊંચકાઈને ૧૮ ડિગ્રીએ જઈને અટકશે તેવી આગાહી

અમદાવાદ, બુધવાર

શહેરમાં હજુ સવારના સમયગાળામાં ઠંડીનો ચમકારો વર્તાઈ રહ્યો છે. જોકે દિવસ દરમિયાન ગરમીની અસર વધતી જાય છે, તો રાતે ફરી વાતાવરણમાં ઠંડક પ્રસરે છે. આમ અત્યારે તો ટ્રિપલ સિઝન ચાલી રહી છે. દરમિયાન શહેરમાં ઠંડીની તીવ્રતામાં આજે સહેજ વધારો નોંધાયો હતો. આજે અમદાવાદનું લઘુતમ તાપમાન ૧૩.૮ ડિગ્રી સેલ્સિયસ નોંધાયું હતું, જે સામાન્ય તાપમાન કરતાં એક ડિગ્રી વધુ હતું, જેના કારણે આજે લોકોએ શિયાળાના સામાન્ય દિવસનો અહેસાસ કર્યો હતો.