૩૫થી વધુ દેશના વિદેશી મહેમાનો અમદાવાદ શહેરની 'અસ્મિતા યાત્રા’નો આનંદ માણશે

શહેરની ઐતિહાસિક અડાલજ વાવની પણ ડેલિગેટ્સ દ્વારા મુલાકાત ગોઠવાઈ

અમદાવાદ, ગુરુવાર

ભારતમાં પહેલી વાર આપણા અમદાવાદ ખાતે અર્બન-૨૦ બેઠક આજથી યોજાઈ રહી છે. ૩૫થી વધુ દેશના ૧૫૦થી વધુ ડેલિગેટ્સ આ બેઠકમાં ભાગ લઈ રહ્યા છે. ગઈ કાલે અમદાવાદ એરપોર્ટ ખાતે વિદેશથી આવનારા ડેલિગેટ્સનું પરંપરાગત ગુજરાતી શૈલીમાં તંત્ર દ્વારા ઉમળકાભેર સ્વાગત કરાયું હતું. આ ડેલિગેટ્સે હોટલમાં ઉતારો મેળવ્યા બાદ પોતાની રીતે ગઈ કાલે રિક્ષા મારફતે શહેરની સહેલ કરી હતી. દરમિયાન, આજે અને આવતી કાલ એમ બે દિવસ સુધીની યુ-૨૦ બેઠકની ગંભીર ચર્ચાઓ વચ્ચે મ્યુનિ. સત્તાવાળાઓ દ્વારા અમદાવાદની અસ્મિતા યાત્રા વોક)માં ડેલિગેટ્સ (હેરિટેજ જોડાઈ શકે તે પ્રકારનું આયોજન ઘડી કઢાયું છે, જે મુજબ આવતી કાલે સવારે તેઓ હેરિટેજ વોક કરશે.