નાસ્તાની દુકાનમાં ૫૦ ટકા ભાગીદારી માગી યુવકે દુકાનદારનું અપહરણ કર્યું

આરોપીએ દુકાનદારને અલગ અલગ જગ્યા પર લઇ જઇને ડંડાથી માર માર્યો

અમદાવાદ, ગુરુવાર

શહેરના નવા વાડજ વિસ્તારમાં નાસ્તાની દુકાન ચલાવતા માલિકને એક યુવકે અપહરણ કરીને માર મારતાં મામલો પોલીસ સ્ટેશન સુધી પહોંચ્યો છે. યુવકે દુકાનના માલિક પાસેથી પ્રોફિટનો ૫૦ ટકા હિસ્સો માગ્યો હતો અને તેના કારીગરોને લઇ જવાની વાત કરી હતી. દુકાનના માલિકે આરોપીની વાત ન માનતાં મામલો બીચક્યો હતો. આરોપીએ નાસ્તાની બે દુકાન બળજબરીપૂર્વક બંધ કરાવી દીધી હતી અને બાદમાં માલિકનું અપહરણ કરીને લઇ ગયો હતો.