SOGનો સપાટોઃ ૫.૧૩ લાખનાં એમડી ડ્રગ્સ સાથે રિક્ષામાં જઈ રહેલા બે પેડલર ઝડપાયા

ઓછી મહેનતે શોર્ટકટથી રૂપિયા કમાવા માટે રિક્ષાચાલક ડ્રગ્સ પેડલર બન્યોઃ SOGની ટીમે પાલડીથી બંને શખ્સની ધરપકડ કરી

અમદાવાદ, બુધવાર

શહેરમાં એમડી ડ્રગ્સનું દૂષણ સતત વધી રહ્યું છે, જેને રોકવા માટે પોલીસ તેમજ સુરક્ષા એજન્સીઓ મહેનત કરી રહી છે. બિલાડીના ટોપની જેમ એમડી ડ્રગ્સનું વેચાણ કરનાર પેડલરનો રાફડો ફાટી નીકળ્યો છે. યુવકો પહેલાં એમડી ડ્રગ્સની લતે ચડે છે અને બાદમાં નશો કરવા માટે પેડલર બની જતા હોય છે. ગઇ કાલે સ્પેશિયલ ઓપરેશન ગ્રૂપની ટીમે પાલડી નજીકથી ૫.૧૩ લાખ રૂપિયાનાં એમડી ડ્રગ્સના જથ્થા સાથે બે પેડલરની ધરપકડ કરી છે.

વાસણાના ડ્રગ્સ માફિયા પાસેથી એમડી ડ્રગ્સ ખરીદીને વેચવા માટે બંને પેડલર લઇ જઇ રહ્યા હતા. શોર્ટકટથી રૂપિયા કમાવાની લાયમાં રિક્ષાચાલકે એમડી ડ્રગ્સ વેચવાનું શરૂ કરી દીધું હોવાનો ઘટસ્ફોટ કર્યો હતો.