સુવિધામાં વધારોઃ એસપી રિંગ રોડ પરના સૌથી મોટા સનાથલ ઓવરબ્રિજનું લોકાર્પણ

કેન્દ્રીય ગૃહપ્રધાન અમિત શાહની વર્ચ્યુઅલ ઉપસ્થિતિમાં મુખ્યપ્રધાન ભૂપેન્દ્ર પટેલના હસ્તે ૧૫૪ કરોડનાં વિકાસકાર્યોની ભેટ

અમદાવાદ, શુક્રવાર

કેન્દ્રીય ગૃહપ્રધાન અમિત શાહની વર્ચ્યુઅલ ઉપસ્થિતિમાં મુખ્યપ્રધાન ભૂપેન્દ્ર પટેલના હસ્તે આજે શહેરની જનતાને ૧૫૪ કરોડના વિકાસકાર્યોની ભેટ મળી છે. કેન્દ્રીય ગૃહપ્રધાન અમિત શાહ અને મુખ્યપ્રધાન ભૂપેન્દ્ર પટેલે અમદાવાદના એસપી રિંગરોડ પરનો સૌથી મોટો ઓવરબ્રિજ આજે ખુલ્લો મૂક્યો જેનો અંદાજિત ખર્ચ ૯૬ કરોડથી વધુ છે. આ લોકાર્પણ કાર્યક્રમમાં કેન્દ્રીય ગૃહપ્રધાન અમિત શાહ વર્ચ્યુઅલી જોડાયા હતા.