સુદાનમાં ફસાયેલા ૫૬ ગુજરાતી વતન પરતઃ પરિવાર સાથે મિલન થતાં ભાવુક દૃશ્યો સર્જાયાં

ગૃહ રાજ્યપ્રધાન હર્ષ સંઘવીએ તમામ લોકોનું ગુલાબ આપીને સ્વાગત કર્યું

અમદાવાદ, શુક્રવાર

યુદ્ધગ્રસ્ત સુદાનમાંથી ભારતે તેના નાગરિકોને બહાર કાઢીને સ્વદેશ લાવવા માટે 'ઓપરેશન કાવેરી' શરૂ કરી દીધું છે ત્યારે સુદાનમાં ફસાયેલા ૫૬ ગુજરાતીઓ માદરે વતન પરત પહોંચી જતાં અત્યંત લાગણીસભર દશ્યો સર્જાયાં હતાં. વાયુસેનાના વિમાન દ્વારા સાઉદી અરેબિયાના જિદાહમાંથી તમામ ગુજરાતીઓને મુંબઇ એરપોર્ટથી બાયરોડ અમદાવાદ લવાયા હતા.

જ્યાં ખુદ ગૃહ રાજ્યપ્રધાન હર્ષ સંઘવીએ તેમનું ગુલાબ આપીને સ્વાગત કરતાં તેઓ ગદ્ગદિત બન્યા હતા અને મોદી સરકારનો આભાર માન્યો હતો. અમને મોત મૂખમાંથી ઉગાર્યા તેવું સતત રટણ કરી રહ્યા હતા. હજુ પણ મુખ્યપ્રધાન ભૂપેન્દ્ર પટેલના માર્ગદર્શન હેઠળ રાજ્ય સરકાર ભારત સરકારના વિદેશ મંત્રાલય સાથે સતત સંપર્કમાં છે અને અન્ય બાકી રહેલા ગુજરાતીઓને સ્વદેશ સ્વદેશ પરત લાવવા પ્રયત્નશીલ છે.