એસપી રિંગ રોડ ચાલતા સ્પા સેન્ટર પર AHTUના દરોડાઃ સાત રૂપલલનાઓ ઝડપાઈ

સ્પા સેન્ટરની આડમાં દેહ વ્યાપાર ચાલતો હતોઃ AHTUએ ડમી ગ્રાહક મોકલીને પર્દાફાશ કર્યો

અમદાવાદ, સોમવાર

શહેરના એસપી રિંગ રોડ પર ચાલતા સ્પા સેન્ટર પર એન્ટી હ્યુમન ટ્રાફિકિંગ યુનિટ (AHTU)ની ટીમે ગઇ કાલે દરોડો પાડીને દેહ વ્યાપારના ગોરખધંધાનો પર્દાફાશ કર્યો છે. ક્રાઇમ બ્રાંચના નેજા હેઠળ આવતા આ યુનિટે ડમી ગ્રાહક મોકલીને દેહ વ્યાપારનો પર્દાફાશ કરવાનો પ્લાન ઘડી નાખ્યો હતો જેમાં તે સફળ થઇ છે. સ્પા સેન્ટરની આડમાં દેહવ્યાપાર ચાલી રહ્યો હતો. રેડ દરમિયાન સ્પા સેન્ટરમાંથી અલગ અલગ રાજ્યની સાત રૂપલલના ઝડપાઇ છે, જેમનું નિવેદન નોંધીને તેમને છોડી મુકાઈ છે, જ્યારે મેનેજરને દબોચી લેવામાં આવ્યો છે.