શહેરમાં તેજ પવન ફૂંકાતાં ધૂળની ડમરીઓથી વાહનચાલકો પરેશાનઃ SG હાઈવે ખાતે વરસાદ

ગુજરાતમાં કાલથી હવામાન સૂકું રહેવાની શક્યતા

અમદાવાદ, મંગળવાર

સતત બે દિવસ કમોસમી વરસાદનો માર સહન કરતાં શહેરીજનો માટે આજની સવાર તેજ પવન ધરાવતી બની છે. સવારના આઠ-નવ વાગ્યાથી હાઈવે, એસજી ઓગણજ સહિતના વિસ્તારોમાં આંધી ચઢતા ધૂળની ડમરી ઊડી હતી, જેના કારણે વાહનચાલકો ભારે મુશ્કેલીમાં મુકાયા હતા. દરમિયાન, એસજી હાઈવે, ચાંગોદર સહિતના વિસ્તારોમાં વરસાદ પડ્યાના અહેવાલ મળ્યા છે. સવારના દસ વાગ્યા પછીના ત્રણ કલાકમાં રાજ્યમાં ઠેર ઠેર વરસાદ પડવાની શક્યતા છે.