ગુજરાતને તોફાની પવન સાથે વરસાદનો માર ઝીલવો પડશે

૧૪ જૂન સુધી વાવાઝોડાનો પણ ખતરો મંડરાઈ રહ્યો છે

અમદાવાદ, સોમવાર

રાજસ્થાનમાં સાઇક્લોનિક એર સર્ક્યુલેશન સર્જાતાં ગુજરાતમાં ફરી તોફાની પવન સાથે વરસાદ પડવાની આગાહી સ્થાનિક હવામાન વિભાગ દ્વારા કરાઈ છે. આજે રાજ્યના બનાસકાંઠા, સાબરકાંઠા જિલ્લામાં વરસાદ પડી શકે છે, જ્યારે સૌરાષ્ટ્ર-કચ્છ, દીવદમણ અને દાદરા-નગર હવેલીમાં ૪૦થી ૫૦ કિમીની ઝડપ ધરાવતો પવન ફૂંકાઈને ગાજવીજ સાથે હળવો વરસાદ પડવાની પણ શક્યતા છે.