ચારિત્ર્યની શંકા રાખી પતિ-જેઠે મહિલાને જંગલીની જેમ માર મારી માથું ફોડી નાખ્યું

‘તું નોકરીએ જતી નથી પણ કોઈ માણસ સાથે બારોબાર ફરવા માટે જતી રહે છે' એવો આરોપ મૂકી પતિએ હુમલો કર્યો

અમદાવાદ, ગુરુવાર

તું નોકરી જતી નથી પણ કોઇ માણસ સાથે બારોબાર ફરવા માટે જતી રહે છે તેમ કહી બાપુનગરમાં રહેતી એક મહિલા પર તેના પતિ અને જેઠે હુમલો કરતાં ચકચાર મચી ગઇ છે. મહિલાને નોકરીમાં રજા હોવાથી તે ઘરે હાજર હતી ત્યારે પતિ ઉશ્કેરાટમાં આવ્યો હતો અને માર મારવાનું શરૂ કરી દીધું હતું. ત્યાર બાદ જેઠ પણ આવી પહોંચ્યો હતો, જ્યાં તેણે મામલો શાંત પાડવાની જગ્યાએ મહિલાને ગાળો બોલીને મારવાનું શરૂ કરી દીધું હતું. ઉશ્કેરાયેલા પતિએ મહિલાનું માથું દુકાનના શટર પર ભટકાડ્યું હતું, જેથી તેને માથામાં લોહી નીકળ્યું હતું.