ખતરનાક બિપરજોય વાવાઝોડાએ દરિયાની તાકાત વધારીઃ કેરળ-મુંબઈમાં હાઈટાઈડ

ભારે વરસાદનું એલર્ટ, થંડરસ્ટ્રોમનું પ્રમાણ ભયાનક રહેશે

નવી દિલ્હી, સોમવાર

બિપ૨જોય વાવાઝોડું વધુને વધુ ભયાનક રહેવાની શક્યતા વધી રહી છે. વાવાઝોડા દરમિયાન પવન ૧૫૦ કિમીની ઝડપે ફૂંકાશે. સમુદ્રમાં વાવાઝોડું આવે ત્યારે તેની આસપાસના એક હજાર માઈલ સુધીમાં તેની અસર થાય છે. જેના કારણે હાલમાં મુંબઈ, કેરળ અને ગુજરાતના દરિયાકાંઠાના વિસ્તારો હાઈએલર્ટ પર છે. વાવાઝોડાને કારણે કેરળમાં ચોમાસું વહેલું આવ્યું છે. દરિયાકિનારાના ભાગોમાં વાવાઝોડાની અસર વધુ થશે.જેના કારણે દેશના દરિયાકાંઠાના વિસ્તારોમાં આજથી બે દિવસ આંધી, વંટોળનું પ્રમાણ વધુ રહેશે. વાવાઝોડા દરમિયાન થંડરસ્ટ્રોમનું પ્રમાણ ભયાનક રહેશે. વાવાઝોડામાં માલહાનિની શક્યતા હોવાથી તકેદારીના ભાગરૂપે સ્ટેટ અને પીએમઓ સતત વોચ રાખી રહ્યાં છે.