ક્રાઈમ બ્રાંચ એક્શનમાં: ઠેર ઠેર રેડ કરી દારૂ-હથિયારનો જથ્થો જપ્ત કર્યો

સરખેજ, નિકોલ, દરિયાપુર, અમરાઈવાડી, નરોડામાં દરોડા પાડી દારૂના ત્રણ અને હથિયારના ચાર કેસ કર્યા

અમદાવાદ, મંગળવાર

રથયાત્રાને હવે ગણતરીના દિવસો બાકી રહ્યા છે ત્યારે શહેરમાં કોઇ અનિચ્છનીય બનાવ ન બને તે માટે પોલીસ અને સુરક્ષા એજન્સી એલર્ટ મોડ પર આવી ગઇ છે. ગઇ કાલે ક્રાઇમ બ્રાંચ એક્શન મોડ પર આવી ગઇ હતી અને શહેરના સરખેજ, નિકોલ, દરિયાપુર, અમરાઇવાડી, નરોડામાં રેડ કરીને હથિયાર તેમજ દારૂનો જથ્થો જપ્ત કર્યો છે. ક્રાઇમ બ્રાંચે દારૂના ત્રણ કેસ કર્યા છે જ્યારે હથિયારના ચાર કેસ કર્યા છે. સાત કેસ પૈકી એક કેસ સ્પેશિયલ ઓપરેશન ગ્રૂપ (એસઓજી)એ કર્યો છે.