ભાઈ અને બહેન સાથે આખી રાત બહાર વીતાવ્યા બાદ ભગવાન મંદિરમાં બિરાજ્યા

આજે સવારે વિધિવત્ રીતે શુભ મુહૂર્તમાં આરતી બાદ ભગવાનને મંદિરમાં સ્થાપિત કરાયા

અમદાવાદ, બુધવાર

અમદાવાદમાં ગઈ કાલે બીજના દિવસે અષાઢી હર્ષોલ્લાસ અને ભક્તિભાવભર્યા શાંતિપૂર્ણ માહોલમાં જગતના નાથની ૧૪૬મી રથયાત્રા સંપન્ન થઇ હતી. ગઈ કાલે ભગવાન જગન્નાથજી, બહેન સુભદ્રાજી અને ભાઈ બલરામજીના રથ જગન્નાથજી મંદિરે પરત આવી ગયા હતા. રથયાત્રાના ક્રમમાં સૌથી પહેલો બલભદ્રજીનો રથ હોય છે, વચ્ચે બહેન સુભદ્રાજી અને અંતિમ થ ભગવાન જગન્નાથજીનો હોય છે. તેથી આ ક્રમે જ રથ નિજ મંદિરમાં પહોંચ્યા હતા. ત્રણેય રથ નિજ મંદિરમાં લાઇનમાં ગોઠવી દેવામાં આવ્યા હતા. મહંત દિલીપદાસજી દ્વારા ભગવાન જગન્નાથજીની નજર ઉતારીને આરતી કરવામાં આવી હતી.