બે લફરાં માફ કર્યા બાદ પણ ત્રાસ આપતા પતિ સામે પત્નીએ આખરે ફરિયાદ નોંધાવી

લગ્નજીવનનાં ૩૦ વર્ષ બાદ પણ મહિલાની હાલત કફોડીઃ ટેબલ પર ફોટોફ્રેમ મૂકવા બાબતે પતિએ પત્ની પર હુમલો કર્યો હતો

અમદાવાદ, મંગળવાર

લગ્નનાં ૩૦ વર્ષ બાદ મહિલાએ પતિના અસહ્ય ત્રાસથી ફરિયાદ કંટાળીને નોંધાવી છે. પતિનાં બે વખત પરસ્ત્રી સાથે લફરાં પકડાયા બાદ પણ મહિલા તેની સાથે રહેતી હતી. છેલ્લાં સાત વર્ષથી એક જ મકાનમાં અજાણ્યાં બનીને પતિપત્ની રહેતાં હતાં, પરંતુ થોડા દિવસ પહેલાં ટેબલ પર ફોટોફ્રેમ મૂકવા મામલે પતિએ મહિલાને ફટકારતાં મામલો પોલીસ સ્ટેશન સુધી પહોંચ્યો છે.