મણિનગર, બહેરામપુરા, દાણીલીમડા અને ઈસનપુરમાં મચ્છરોનો ‘ભયાનક’ ઉત્પાત

તંત્ર દ્વારા મેગા ટ્રિગર ઈવેન્ટ હેઠળ કસૂરવાર એકમો પાસેથી રૂ. ૧૫.૯૩ લાખથી વધુ દંડ વસૂલાયો

અમદાવાદ, સોમવાર

મ્યુનિસિપલ કમિશનર એમ. થેન્નારસનના આદેશ મુજબ હેલ્થ વિભાગ દ્વારા મ્યુનિસિલ સ્કૂલ બોર્ડ, એસ્ટેટ વિભાગ, ટેક્સ વિભાગ, સોલિડ એન્ડ વેસ્ટ મેનેજમેન્ટ વિભાગના સંકલનમાં રહીને તમામ ઝોન ખાતે મેગા ટ્રિગર ડ્રાઈવ યોજાઈ હતી, જેમાં સવારના ૮.૦૦ વાગ્યાથી સાંજના ૭.૦૦ વાગ્યા સુધી સત્તાવાળાઓએ મચ્છરોના નિયંત્રણ હેતુ વિવિધ પ્રકારની કામગીરી હાથ ધરી હતી. આ દરમિયાન રહેણાક વિસ્તારમાં મચ્છરોના પોરા બાબતે ઈન્ટ્રા ડોમેસ્ટિક કામગીરી કરતાં દક્ષિણ ઝોનના મણિનગર, બહેરામપુરા, દાણીલીમડા, ઈસનપુર, વટવા, ખોખરા અને ઈન્દ્રપુરી વોર્ડમાં મચ્છરોનો સૌથી વધુ અને ‘ભયાનક’ ઉત્પાત મળી આવ્યો હતો.