પૂર્વ ઝોનમાં પ્રોપર્ટી ટેક્સ ડિફોલ્ટર્સની વધુ ત્રણ મિલકતો પર આર્થિક બોજો નોંધાયો

રૂ. ૮૦.૧૫ લાખથી વધુ બાકી ટેક્સની વસૂલાત માટે કુલ ૧૧ મિલકત પર બોજા નોંધણી કરાઈ

અમદાવાદ, બુધવાર

મ્યુનિસિપલ કોર્પોરેશનના પ્રોપર્ટી ટેક્સ વિભાગના સત્તાવાળાઓ દ્વારા બાકી પ્રોપર્ટી ટેક્સ વસૂલાત ઝુંબેશ હેઠળ ડિફોલ્ટર્સની મિલકતને તાળાં મરાઈ રહ્યાં છે. આ ઉપરાંત નવા નાણાકીય વર્ષની શરૂઆતથી ડિફોલ્ટર્સની મિલકતની જાહેર હરાજી પણ કરાઈ રહી છે. તંત્ર દ્વારા અત્યાર સુધીમાં અનેક વાર આવી મિલકતોની જાહેર હરાજીને લગતી કબજેદારના નામ સાથેની જાહેર નોટિસ પ્રસિદ્ધ થઈ ચૂકી છે. હવે આ નોટિસ ડિફોલ્ટર્સની નામોશી થાય તે માટે ગુજરાતીમાં અપાઈ રહી છે. દરમિયાન પૂર્વ ઝોનમાં પ્રોપર્ટી ટેક્સ વિભાગ દ્વારા વધુ ત્રણ ડિફોલ્ટર્સની મિલકતની કલેક્ટરના રેવન્યૂ રેકોર્ડમાં બોજા નોંધણી કરાઈ છે.