થલતેજના કૃપામનન ફ્લેટમાં તસ્કરો ત્રાટક્યાઃ ૩૫ લાખની મતાની ચોરી

સોની દંપતી દીકરીની સાસરીમાં ગયું હતું ત્યારે તસ્કરોએ ચોરીની ઘટનાને અંજામ આપ્યોઃ તસ્કરોએ મંદિરને હાથ પણ ન લગાવ્યો

અમદાવાદ, મંગળવાર 

શહેરના પોશ વિસ્તાર ગણાતા થલતેજમાં તસ્કરો સોનીના મકાનમાંથી રૂપિયા ૨૧ લાખ રોક્ડા અને સોનાના ૨૫૦ ગ્રામના દાગીના સહિત કુલ ૩૫ લાખની કિંમતની ચોરી કરીને નાસી જતાં ચકચાર મચી ગઇ છે. વૃદ્ધ દંપતી પોતાની દીકરીની સાસરીમાં બારેજા ખાતે ગયું હતું ત્યારે તસ્કરોએ ચોરીની ઘટનાને અંજામ આપ્યો છે. પોલીસ તેમજ ક્રાઇમ બ્રાંચે આરોપીને પકડી પાડવા માટે તજવીજ શરૂ કરી છે.